Kryeministri armen Nikol Pashinyan zbuloi të mërkurën një plan veprimi 6-mujor që ai pretendon se ka për qëllim stabilitetin demokratik të vendit të tij.
Pashinyan ka refuzuar thirrjet nga kundërshtarët dhe protestuesit e tij për të dhënë dorëheqjen për atë që ata e quajnë menaxhimin katastrofik të një konflikti 6-javor midis Azerbajxhanit dhe armenëve etnikë në Nago-Karabak.
Sipas një marrëveshjeje të ndërmjetësuar nga Rusia, pjesë të territorit të drejtuar më parë nga armenët iu dorëzuan Azerbajxhanit, forcat e të cilit i pushtuan pasi i humbën në një luftë të hershme në vitet 1990.
Ministri i jashtëm armen dha dorëheqjen në fillim të kësaj jave.
Pashinyan përsëriti në një postim në Facebook të mërkurën se ai merr përgjegjësinë e plotë për atë që ndodhi, por që ai tani është përgjegjës për stabilizimin e Armenisë dhe garantimin e sigurisë kombëtare.
“Unë jam plotësisht i vendosur,” shkroi ai, duke përshkruar 15 pikat e planit të veprimit.
Statusi ligjor i Karabakut
Kryeministri armen dëshiron të rifillojë procesin zyrtar të negociatave për Nago-Karabakun nën kujdesin e grupit të Organizatës për Siguri dhe Bashkëpunim në Evropë (OSBE) me bazë në Minsk dhe të vendosë përparësinë e kthimit të njerëzve në territorin ende nën kontrollin e Armenisë.
Kjo përfshin ndihmën në rindërtimin e shtëpive dhe infrastrukturën e dëmtuar, sigurimin e ndihmës financiare për familjet e ushtarëve të vrarë në konflikt dhe kujdesin për ata të plagosur.
Pashinyan gjithashtu dëshiron të ndryshojë statusin ligjor të Nago-Karabakut, të reformojë ushtrinë, të ndryshojë ligjin zgjedhor, të luftojë pandeminë e virusit koronar dhe të shpëtojë ekonominë.
“Në qershor 2021, unë do të paraqes një raport mbi zbatimin e planit,” shkroi ai.
“Në vendimet e ardhshme, mendimet dhe reagimet e publikut do të merren parasysh,” shtoi ai.
Presidenti rus Vladimir Putin më parë deklaroi se statusi i Karabakut do të përcaktohet në të ardhmen dhe se status quo-ja mbetet tani për tani.
“Statusi përfundimtar i Karabakut nuk është zgjidhur. Ne kemi rënë dakord të mbajmë status quo-në ekzistuese dhe çfarë do të ndodhë më pas duhet të vendoset nga udhëheqësit e ardhshëm, pjesëmarrës në atë proces,” tha kreu i shtetit rus, duke iu përgjigjur pyetjeve të mediave në lidhje me situatën në Karabak.
Sipas Putinit, nëse krijohen kushte për një jetë normale, për rinovimin e marrëdhënieve midis Armenisë dhe Azerbajxhanit, midis njerëzve, veçanërisht në zonën e konfliktit, kjo do të krijojë kushte për përcaktimin e statusit të Nago-Karabakut, raporton TASS.
Në lajme të tjera, parlamenti i Turqisë miratoi të martën vendosjen e trupave për t’u bashkuar me forcat ruse në një observator në Nago-Karabak, pasi Armenia dhe Azerbajxhani nënshkruan një marrëveshje armëpushimi të ndërmjetësuar nga Rusia për t’i dhënë fund luftimeve mbi enklavën.
