Përmes një deklarimi publik, Ministria e Drejtësisë, e ka quajtur ende një dokument pune, draftin që është publikuar në media duke provokuar debate.
Në fjalën e saj, shton se ka përmbyllur procesin e konsultimit publik dhe tani ekspertët dhe praktikantët e ligjit të grupit të punës do të finalizojnë projektligjin, i cili pasi të konsultohet teknikisht, do të depozitohet në Këshillin e Ministrave.
Këtë deklaratë e ka kundërshtuar analisti i njohur, Enton Abilekaj, i ftuar në Spotlight nga Alban Dudushi, prej ku tha se si drejtues media nuk është pyetur për asgjë, ndonëse është pjesë e një grupi interesi lidhur me këtë çështje.
“Ministria e Drejtësisë ka bërë një njoftim. Dhe ka thënë që këto janë ndryshime që ne i kemi hartuar pas një konsultimi publik. Ne që kemi media, as nuk na ka thënë njeri. Ne jemi grup interesi në këtë mes.”
