Nesër ora do të shkojë 60 minuta mbrapa. Ndryshimi do të bëhet duke u gdhirë e diela, kur akrepat nga ora 03:00 do të zhvendosen në orën 02:00.
Me ardhjen e stinës së dimrit do të kemi më pak dritë dhe më shumë orë gjumë. Ora dimërore do të zgjasë deri në të dielën e fundit të muajit mars 2023, kur akrepat do të kthehen sërish në orën verore.
Vendimi për ndryshimin e orës u mor në vitin 1981 me synim minimizimin e konsumimit të energjisë elektrike dhe shfrytëzimin e energjisë diellore.
Katër vite më parë pati debate për ndryshimin e orës, megjithatë u caktua që qeveritë e shteteve të ndryshme të mbajnë orën që dëshirojnë.
