Presidenti i Republikës, Bajram Begaj uron besimtarët myslimanë me rastin e fillimit të agjërimit në muajin e bekuar të Ramazanit.
Në mesazhin e tij, Kreu i Shtetit uroi agjërim të lehtë dhe të pranuar për të gjithë besimtarët myslimanë, duke shprehur dëshirën që ky muaj i shenjtë të shërbejë si një kohë solidariteti dhe afrimi mes njerëzve.
“Besimtarët myslimanë fillojnë nesër agjërimin e muajit të bekuar të Ramazanit. Duke dëshiruar agjërim të lehtë dhe të pranuar për gjithë besimtarët myslimanë, uroj që ky muaj i shenjtë të na afrojë më shumë me njëri-tjetrin!
Qoftë sa më i mbarë për të gjithë dhe ardhtë me të gjitha begatitë!”, uron Presidenti i Republikës.
LEXO EDHE: Nesër nis muaji i Ramazanit, kreu i KMSH: Kohë reflektimi dhe orientimi. Të kthehemi te vlerat e besimit, drejtësisë dhe përgjegjësisë morale!
