Presidenti Ilir Meta ka takuar këtë të entje dy qytetarët nga Kavaja që neutralizuan një shtetas të armatosur në qendër të qytetit, I cili plagosi një përson.
Takimin e ka njoftuar vetë presidenti në një postim në “Facebook”, ndërsa shprehet se I falenderoi ata përzemërsisht për aktin e lartë qytetar.
Meta thekson se shembuj të tillë I duhen mbarë shoqërisë me qëllim evitimin e konflikteve.
“Kënaqësi e veçantë të takoja sot dy qytetarë të mrekullueshëm të Kavajës, z.Ymer Xhafa dhe z.Bajram Shala, të cilët dy ditë më parë rrezikuan jetën e tyre për të neutralizuar një shtetas të armatosur në qendër të qytetit, i cili plagosi një shtetas tjetër, ngjarje që mund të kthehej në një tragjedi të madhe. I falenderova përzemërsisht për aktin e tyre të lartë qytetar, në mbrojtje të jetës, paqes sociale dhe sigurisë publike. Shembuj të tillë frymëzues i duhen mbarë shoqërisë tonë, për të qëndruar larg konflikteve, dhe për të reaguar kundër dhunës, krimit por dhe indiferencës, që rrezikon jetën, pronën e sigurinë qytetare.”