Presidenti i Republikës së Shqipërisë, Bajram Begaj është takuar me ministrin e Jashtëm, Igli Hasani në ambientet e presidencës.
Me anë të një reagimi në rrjetet sociale, presidenti Begaj shkruan se me ministrin e Jashtëm diskutuan për situatën në rajonin tonë, për përmbylljen e marrëveshjes me Italinë për pensionet si edhe për dekretimin e ambasadorëve të rinj.
Kujtojmë që më datë 6 shkur, në Romë u nënshkrua marrëveshja e Sigurimeve Shoqërore me Italinë, ku pritet të përfitojnë 500 mijë shtetas shqiptarë.
Postimi i plotë:
Mëngjes pune me Ministrin për Evropën dhe Punët e Jashtme z. Igli Hasani, me të cilin diskutuam për situatën në rajonin tonë, për përmbylljen e Marrëveshjes së Sigurimeve Shoqërore me Italinë, si dhe dekretimin e ambasadorëve të rinj.
