Të gjithë ata që kanë kaluar sot përgjatë bulevardit “Dëshmorët e Kombit” janë surprizuar teksa kanë parë në oborrin e kryeministrisë të ngulur një flamur.

Nuk bëhet fjalë për flamurin Kombëtar, por për flamurin shumëngjyrësh, simbol të komunitetit LGBT. Flamuri është vendosur në pjesën para kryeministrisë, përballë me Kryesinë e Kuvendit.

Vetëm 3 ditë na ndajnë nga “Parada e Krenarisë” që mbahet prej disa vitesh në Tiranë, çdo 18 maj. Si pasojë e pandemisë dhe kufizimeve të vendosura nga qeveria, këtë vit nuk ka të dhëna nëse parada do të mbahet.

Aleanca LGBT dhe Pro LGBT, komuniteti i Lesbikeve, Gay, Biseksualëve dhe Transeksualëve marshojnë prej 8 vitesh në Tiranë, kundër diskriminimit dhe paragjykimeve me të cilat përballen çdo ditë.

Marshimeve të tyre iu janë bashkuar disa herë edhe përfaqësues të ambasadave në vendin tonë.