Gjykata e Posaçme nisi procesin ndaj Fatos Lulos, ish-anëtarit të Gjykatës Kushtetuese. Ai akuzohet për “fshehje e mosdeklarim të pasurisë” në formën e kallëzimit të rremë.
Sipas SPAK, ish-gjyqtari nuk justifikoi dot një apartament në Tiranë në rrugën “Sami Frashëri” dhe një zyrë 172 metra katrorë në rrugën e Durrësit e deklaruar si e dhuruar, prej motrës së tij.
Për të provuar akuzën, Prokuroria e Posaçme kërkoi të pyesë 4 dëshmitarë, ndërsa seanca e radhës pritet të mbahet në 30 janar.
Fatos Lulo së bashku me 19 ish-gjyqtare e prokurorë u kallëzuan penalisht për fshehje të pasurisë nga avokati Fran Dashi nëntorin e vitit 2020.
