Këshilli Politik ka nisur mbledhjen e thirrur nga opozita e bashkuar. Burime bëjnë me dije se opozita është e prerë dhe sot do diskutohet vetëm kërkesa për rekomandime nga osbe odihr. Opozita nuk do pranojë të bëjë diskutime as për koalicionet e as për listat deri sa të gjendet një gjuhë e përbashkët.
Në mbledhjen e fundit e cila dështoi pa dakordësi mes palëve politike, Bylykbashi tha në fjalën e tij se me sjelljen që PS po demonstron në këto dy mbledhje të Këshillit Politik po shkel të dyja marrëveshjet, si atë të 14 janarit, edhe atë të 5 qershorit.
Ndërsa përfaqësuesi i Partisë Socialiste në Këshill, Damian Gjiknuri tha se kërkesa e opozitës për të marrë një mendim ekspertize nga OSBE/ODIHR është vetëm një tentativë për zvarritje. Sipas tij, opozita po kërkon që të krijojë një krizë artificiale për të justifikuar frikën e saj nga zgjedhjet.(A.M/Faxweb.al)
/faxweb
