Më shumë se dy vite nga shembja, nis ndërtimi i Teatrit Kombëtar.
E gjithë ceremonia u zhvillua nën vëzhgimin e shtuar të policisë. Arsyeja ishte shmangia e incidenteve të mundshme nga kundërshtarët e projektit të bashkisë dhe qeverisë për teatrin e ri.
EDI RAMA
KRYEMINISTER I SHQIPERISE
E bukura e kësaj skene është që prefektin e “Koncertit të Vitin ’36” e kemi këtu me ne, nuk është në anën e atyre që donin të prishnin koncertin.
Me këtë projekt tha kryeministri Edi Rama rrëzojmë edhe zërat se Teatri Kombëtar do të vendosej brenda një kulle.
EDI RAMA
KRYEMINISTER I SHQIPERISE
Sot më në fund zgjidhet dhe ai misteri i madh “ka kullë, s’ka kullë mbi teatër”, “do ndërtohet, s’do ndërtohet kullë në sheshin e teatrit”. Ky është teatri! Ky është sheshi!
Kundërshtinë e një pjese të aktorëve për të, Edi Rama e shpjegoi kështu.
EDI RAMA
KRYEMINISTER I SHQIPERISE
Patjetër që hyjnë në mes paragjykimet e lidhura me këtë kohë që ne jetojmë, ku sigurisht kemi parë shumë skena, le të themi, shqyerje të pronave, shqyerje të pasurive publike në dekada dhe vetvetiu u krijua një instinkt vetëmbrojtjeje me idenë që mbase, kjo ishte një grackë e madhe dhe këtu Teatri Kombëtar do ishte thjesht një alibi për të bënë një zhvillim për qëllim fitimi.
ERION VELIAJ
KRYETAR I BASHKISE TIRANE
Teatri do të jetë në tokën e vetë, në territorrin e vetë pa lëshuar asnjë centimetër, as privatit, askujt tjetër.
Për skenën më të madhe dhe më të rëndësishme teatrore parashikoi mbajtjen e ngjarjeve të rëndësishme ndërkombëtare. E gjithë ceremonia e fillimit të punimeve u ndoq në distancë dhe pa incidente nga “Aleanca për Mbrojtjen e Teatrit”.
Ndërtimi i Teatrit të ri Kombëtar është parashikuar të zgjasë më pak se dy vite e gjysmë.