Edicioni i 12-të i Festivalit të Ballkanik të Filmit dhe Kulinarisë ka nisur në Pogradec.

 

50 filma me metrazh të gjatë dhe të shkurtër janë këtë vit në konkurim, ku bie në sy pjesmarrja e lartë e të rinjve.

 

Ky festival përveçse e kthen Pogradecin në kryeqendrën e Ballkanit duke bërë bashkë regjisorë të rinj dhe të vjetër, shërben edhe si një shkëmbim shumë i mirë eksperiencash.

 

PANAYOTIS KRAVVARIS

ANETAR I JURISE

 

Eshtë shumë bukur të jem në këtë festival filmi, sidomos pas pandemisë, është bukur të jesh mes njerzve dhe në një festival të tillë. Është shumë e rëndësishme që artistët të takohen sëbashku dhe njerzit të shohin filmat live. Është shumë bukur të vish nga Greqia në Pogradec, ashtu sic mund të shohësh se sa popujt e Ballkanit i ngjajnë njëri-tjetrit.

 

NIKOLA PALOVSKI 

KONKURENT NGA SERBIA

 

“Është  hera ime e parë në Shqipëri, ashtu siç është filmi im i parë në një festival të tillë. Jam i lumtur që jam këtu dhe pjesë e këtij festivali. Konkuroj me një film të shkurtër me një të diplomuar në arkeologji i cili rikthehet në fshatin e tij.Këtu qyteti është shumë i bukur, akomodimi dhe kushtet shumë të mira.”

 

Festivali Ballkanik i Filmit do të zgjasë 5 ditë. Në këtë aktivitet krahas filmave një vëmendje shumë e madhe i kushtohet  dhe kuzhinës ballkanase.

Subscribe kanalin tonë në Youtube për të mos humbur asnjë video të re