Është realizuar takimi i pritshëm Trump – Putin në Helsinki, i pari i këtij lloji veç atyre në konferenca ndërkombëtare. Presidenti Trump tha se takimi i tij ballë për ballë me homologun e tij rus Vladimir Putin ishte “një fillim i mirë”.
Pas dy orësh bisedimesh me dyer të mbyllura, të dy udhëheqësit shkuan në një drekë pune me këshilltarët e tyre të lartë.
Duke folur më herët, Putin tha se ishte koha për të diskutuar “çështje të vështira shumëkombëshe”, raporton BBC.
Marrëdhëniet ndërmjet Rusisë dhe Perëndimit u rënduan rëndë nga aneksimi i Krimesë i Moskës në vitin 2014.
Rusia gjithashtu është akuzuar për ndërhyrje në zgjedhjet e vitit 2016 në Shtetet e Bashkuara, gjë të cilën Kremlini e ka mohuar fuqimisht.
Duke folur para samitit të Helsinkit, Trump tha se shpresonte për një “marrëdhënie të jashtëzakonshme” dhe fajësoi tensionet e mëparshme SHBA-Rusi nga administratat paraardhëse.
Detaje të tjera rreth samitit mes tyre dhe çështjeve të trajtuara, pritet të bëhen të ditura orët në vijim.
