Nga kjo e enjte nis procesi i aplikimit për të gjithë ata fermerë që do të përfitojnë nga skema mbështetëse për kultivimin e grurit.
Kush do të dokumentojë se do të mbjellë mbi 1 hektar grurë, do të përfitojë 30 mijë lekë për çdo hektar.
Ministria e Bujqësisë Frida Krifca në nisje të këtij procesi apeloi që fermerët të aplikojnë deri në 23 shtator, duke qartësuar edhe një herë kriteret dhe dokumentet e pronësisë.
Sipas ministres deri më tani me skemat e ofruara kanë përfituar 35 mijë fermerë, ndërsa me skemën e dytë për grurin kjo shifër parashikohet të arrijë në 50 mijë fermerë në të gjithë vendin.
Në këtë skemë nuk zbatohet parimi kush aplikon i pari përfiton, por ne varësi te sipërfaqes se deklaruar dhe nevojave te buxhetit do te përcaktohen edhe fituesit.