Indrit Çullhaj 3 herë kampion i Ballkanit në sportin e Xhudos është një shembull, që ndiqet nga shumë fëmijë. 23-vjeçari stërvitet çdo ditë për të qenë mes më të mirëve, ndërsa objektivi i tij mbetet i njëjtë, kualifikimin në Tokio 2021.
Fituesi i 78 medaljeve ndërkombëtare gjatë 12 viteve karrierë sportive, kërkon një mbështetje më të madhe nga shteti, pasi siç Çullhaj tregon ende nuk po i kushtohet rëndësia e duhur xhudos.
Sekretari i Përgjithshëm i Federatës shqiptare të Xhudos , Labo Capo e cilëson si një sukses kualifikimin e Çullhaj në Olimpiadë ndërsa thekson se prioriteti i federatës mbetet brezi i ri.
Çullhaj, synon të shënojë historinë duke u bërë i pari sportist shqiptar që kualifikohet në Lojërat Olimpike në sportin e xhudos.