Qindra njerëz morën pjesë në një iftar të hapur në sheshin jashtë sallës së famshme Royal Albert Hall në Londër të premten, më 7 prill.
Rreth 450 njerëz u mblodhën për vaktin e njohur pas agjërimit, në perëndimin të diellit. Ngjarja u organizua nga bamirësia fituese e çmimeve Ramadan Tent Project, e themeluar në vitin 2013.
Pas ezanit, muslimanët e prishën agjërimin e tyre të ndjekur nga lutja e përbashkët.
Duke folur para iftarit, ambasadori turk në Britaninë e Madhe, Osman Koray Ertas, preku rëndësinë e Ramazanit në forcimin e lidhjeve mes njerëzve.
Ai gjithashtu vuri në dukje solidaritetin me komunitetin turk pas tërmeteve shkatërruese të 6 shkurtit në Turqi dhe Siri.
Ertas falënderoi britanikët për donacionet dhe fushatat për mbledhjen e fondeve për viktimat e tërmetit.
Jonathan Wilson, një profesor në Universitetin Regent në Londër, vlerësoi iftarin në ambient të hapur dhe tha se takime të tilla janë një mundësi shumë e mirë për të takuar njerëz dhe për të shkëmbyer përvoja.
Dowshan Humzah, anëtare e Bordit Këshillimor të organizatës Ramadan Tent Project, tha se projekte të tilla kontribuojnë në krijimin e miqve të rinj dhe veçanërisht falënderoi vullnetarët për kontributin e tyre. /tesheshi.com/