E veshur me uniforma ushtarake dhe kamuflazh, Mbretëresha Maxima e Holandës u shfaq pothuajse e panjohshme të martën në një qendër stërvitore të forcave të armatosura holandeze pranë Amsterdamit.
54-vjeçarja Maxima mori pjesë në dy ushtrime stërvitore me anëtarë të Xhandarmërisë Mbretërore Ushtarake, siç raportohet nga media holandeze. Në njërën nga këto ushtrime, Mbretëresha e Holandës ndihmoi në ofrimin e ndihmës së parë për njerëzit e “plagosur” në kushte të simuluara luftimi, siç përshkruan disa pjesëmarrës.
Stërvitjet u zhvilluan në qendrën e stërvitjes në Harderwijk, rreth 70 kilometra në lindje të Amsterdamit, si pjesë e vitit të shërbimit vullnetar, një program që synon tërheqjen e rekrutëve të rinj në forcat e armatosura holandeze.
Vajza e Mbretëreshës Máxima, Princesha 21-vjeçare Amalia, filloi stërvitjen ushtarake në shtator, duke marrë gradën e nënoficeres. Ajo po studion gjithashtu drejtësi në Universitetin e Amsterdamit. /tesheshi.com/
