Një ish-deputet brazilian, një aleat politik i presidentit në largim të ekstremit të djathtë Jair Bolsonaro, hodhi një granatë dore ndaj oficerëve të policisë që erdhën për ta arrestuar, duke plagosur të paktën dy prej tyre.
Ish-përfaqësuesi Robert Jefferson u dënua me burg nga Gjykata e Lartë e Brazilit për shkelje të kushteve të arrestit shtëpiak dhe për fyerje të kreut të gjykatës më të lartë në rrjetet sociale.
Në momentin e arrestimit të tij në qytetin e Levy Gasparian (shteti i Rio de Zhaneiros, në juglindje), Jefferson “reagoi” duke hedhur një granatë dore ndaj dy oficerëve të policisë të cilët “u plagosën nga copëzat”, tha policia federale.
Dy policëve iu është dhënë ndihma mjekësore dhe janë mirë, shton policia, e cila ka dërguar një numër më të madh personash në vendin e ngjarjes.
Jair Bolsonaro u distancua nga ish-deputeti në Twitter, ku kritikoi sulmin ndaj policisë dhe shprehu solidaritetin me policët e plagosur.
Bom, como eu estou censurado, não posso desmentir essa fala do Presidente Bolsonaro sobre ter ou não essa foto! Então, se ele falou tá falado 👍 pic.twitter.com/lr8DtbsvjA
— André Janones (@AndreJanonesAdv) October 23, 2022
Presidenti brazilian dënoi më parë “aksionin ushtarak” të Robert Jefferson, i cili nuk pranoi të dilte nga shtëpia e tij për orë të tëra dhe konfirmoi në një video se ai përdori një armë, por mesa duket pa qëllimin për të plagosur policinë.