Një tërmet me fuqi prej 5.9 ballë sipas Rihterit, ka goditur shtetin jugor meksikan Oaxaca, disa ditë pasi një tërmet i fuqishëm u regjistrua në zonën e njëjtë, njoftoi Enti Gjeologjik Amerikan.
Epiqendra e tërmetit është regjistruar rreth 30 kilometra në verilindje të qytetit Santa Catarina Mechoacan, në thellësi prej 40 metrave, transmeton aa.
Të premten e kaluar pjesët qendrore dhe jugore të Meksikës u dridhën nga tërmeti me fuqi prej 7.2 ballë sipas Rihterit, ndërsa 13 persona humbën jetën gjatë rrëzimit të një helikopteri ushtarak në të cilin gjendeshin zyrtarë që punonin në vlerësimin e dëmeve nga tërmeti. Epiqendra e tërmetit të javës së kaluar u regjistrua jo larg atij të sotmit.
Në shtator të vitit të kaluar Meksikën e goditi një tërmet me fuqi prej 7.1 ballë, në të cilin humbën jetën 369 persona. /KosovaPost/.