Në afërsi të tunelit të Stacionit të Trenit në Prishtinë gjen jo pak zymtësi, mbeturina e barishte. Por pikturat në muret e tunelit duket sikur i japin gjallëri këtij vendi.
Në shumë zona të tjera, ndodh po njëlloj, falë penelit të një artisteje nga Zvicra.
Ajo quhet Krystel Suire dhe për 3 vite qëndron në Kosovë.
Ajo tregoi për REL se motivet popullore shqiptare e kanë mahnitur.
“Vizatoj këto kukulla me theks te sytë për shkak se, sipas mendimit tim, mund të komunikosh gjithçka vetëm përmes syve edhe pse i kanë të mbyllur, por prapë tregojnë qetësi dhe lumturi.
Ajo çfarë më pëlqen mua te kultura (e veshjeve tradicionale të Kosovës) është që ka shumë ngjyra dhe shumë shije”, thotë Krystel.