Home BOTA Njihuni me krahun e djathtë të Kim Jong-un

Njihuni me krahun e djathtë të Kim Jong-un

0

Ndajeni këtë artikull me të tjerë duke klikuar ikonat më poshtë

Media shtetërore koreano-veriore ka publikuar së fundmi promovimin e një takimi të rëndësishëm të partisë qeverisëse të liderit Kim Jong Un, ku u prezantua motra e vogël e udhëheqësit, si një nga politikbërëset kryesore të Koresë së Veriut. 
Ajo është konsideruar si krahu i djathtë i udhëheqësit Kim Jong Un, duke u kujdesur për agjendën e tij dhe eventet publike.
Motra e vogël e liderit koreano-verior Kim Jong Un, u prezantua të shtunën në një takim kyç të partisë qeverisëse të vendit.
Sipas ekspertëve, publikimi i figurës së 28-vjeçares Kim Yo Jong, në trupin më të lartë vendimmarrës të shtetit sekret, është një shenjë që udhëheqësi i ri po shtrëngon më tej kontrollin e tij në vend, duke tërhequr njerëzit e tij më të rëndësishëm pranë qendrës së pushtetit.
Kim Yo Jong është rritur në politikën koreano-veriore me një ritëm të pashembullt, ndryshe nga halla e saj, e cila u promovua në politikë vetëm në vitin 2012, pasi shërbeu më shumë se tre dekada në parti. Kim Yo Jong renditet si gruaja e dytë politikbërëse në një vend patriarkal si Koreja e Veriut.
Motra e vogël e udhëheqësit, konsiderohet si një nga politikbërëset kryesore në vend.
Profili zyrtar i saj, është rritur që nga viti 2014, kur u bë zëvendësdrejtore e Departamentit të Propagandës dhe Agjitacionit të Partisë së Punëtorëve.
Përtej rangut të saj zyrtar, profili i Kim Yo Jong, është pak i njohur, ashtu si dhe pjesa më e madhe e anëtarëve të klanit Kim Yong. Sipas medias shtetërore, ajo është krahu i djathë i vëllait të saj, ku mes detyrave kryesore, menaxhon zhvillimet e tij publike, itineraret dhe nevojat logjistike.
Dalja e fundit publike e Kim Yo Jong, motrës së vogël të udhëheqësit të Koresë së Veriut ka qenë në Mars të vitit 2014.

Ndajeni këtë artikull me të tjerë duke klikuar ikonat më poshtë