Ministri i Brendshëm Sandër Lleshaj këtë të mërkurë ka vizituar mjediset ku punon dhe stërvitet Njësia Speciale e Kërkimit të personave që i janë shmangur drejtësisë.
Gjatë vizitës ministri Lleshaj, që shoqërohej nga drejtuesit kryesorë të PSH, ndoqi disa veprime operacionale, pjesë e programit të ngjeshur që po zhvillon Njësia, që prej disa javësh, nga dita e krijimit të saj.
Ndër të tjera në fjalën e tij ministri Lleshaj ka thënë se shtimi i kapaciteteve operacionale dhe rritja e forcës goditëse të Policisë së Shtetit është garancia e suksesit të Reformës në Drejtësi.
