Greket mobilizohen për të ndihmuar të dëmtuarit nga tërmeti në Shqipëri.
Organizata “Të gjithë bashkë mundemi” bëri të ditur se ka hapur fushatën e mbledhjes së ndihmave për shqiptarët e prekur nga fatkeqësia natyrore e 26 nëntorit.
Aksioni do të zhvillohet të martën 3 Dhjetor nga 9 e mëngjesit deri në 15:00.
Pikat e grumbullimit në Athinë janë si më poshtë:
Në Glyfada, në kishën e Shenjtorëve Konstandin dhe Elena.
Në Kallithea, në kishën e Agios Nikolaos.
Në Neo Psychiko, në kishën e Agia Sophia.
Në Agia Paraskevi, në kishën e Agia Paraskevi.
Në Nea Ionia, në kishën e Agios Georgios.
Në Nea Smyrni, në kishën e Agios Sostis.
Në Ambelokipi, në kishën e Agia Triada.
“Së bashku ne mund të ndihmojmë fqinjët tanë të pikëlluar në këto kohe të vështira” – thone qytetaret greke.
Duhet theksuar se Greqia përvec mobilizimit qytetar, ofroi që në minutat e paara ekspertize njerësore për tërmetin në vendin tonë duke sjellë një grup të specializuar që dha ndihmë të cmuar në gjetjen dhe nxjerrjen e disa trupave nga rrënojat.