Pasi arriti nivelin më të lartë në këto dy vite, në 127 lekë, euro po rikthehet në normalitet. Sipas kursit zyrtar të bankës së Shqipërisë, euro u këmbye sot me 123.7 lekë.
Kthimi i kursit pranë vlerave të mëparshme ka ardhur kryesisht falë ndërhyrjes së Bankës Qendrore, që në ditët e fundit ka shitur euro, për të frenuar nënçmimin e lekut.
Forcimi i përkohshëm i monedhës europiane, sipas ekspertëve, lidhet si me efektet e luftës, por edhe me ofertën e kufizuar të euros në tregun vendas.