Një drejtues shkolle në Singapor të Australisë ka zgjedhur një tjetër metodë për ti treguar prindërve se si duhet të sillen në rast se fëmijët e tyre nuk marrin rezultatet e pritura në provimet e maturës. Ai thekson se nota nuk ka rëndësi aq të madhe sa dëshira e asaj cfarë duan të bëhen në këtë jetë, prandaj prindërit duhet ti mbështesin duke i shtuar vetëbesimin fëmijëve.
Gazetarja Manjola Arizaj Zekaj tregoi letrën që i është dërguar prindërve në një shkrim në rrjete sociale.
“Drejtori i një shkolle në Singapor, një ndër shtetet me nivelin më të lartë të arsimit në botë, u ka dërguar këtë letër fantastike prindërve të nxënësve të shkollës së tij, për provimet e Matures. Duke i uruar Edmes tone, suksese nesër në provimin e parë të Matures Shtetërore dhe gjithë gjimnazistëve tê Shqipërisë, ju ftoj ta lexoni këtë letër brilante..
Të dashur prindër,
Provimet e fëmijëve tuaj do të fillojnë së shpejti. E di që të gjithë jeni në ankth, sepse doni që fëmija juaj të dalë sa më mirë. Por ju lutem, mos harroni, mes nxënësve që do të ulen për provime, ndodhet një artist, i cili nuk ka nevojë të dijë shumë për matematikën.
Ndodhet një sipërmarrës, i cili nuk do t’ia dijë për Historinë, apo Letërsinë angleze. Ndodhet një muzikant, notat e të cilit në Kimi nuk kanë rëndësi fare. Ndodhet një sportist, për të cilin gjendja fizike është më e rëndësishme se Fizika. Nëse fëmija juaj merr notat më të larta, atëherë shumë mirë! Por nëse jo, ju lutem mos ua hiqni vetëbesimin dhe dinjitetin.
Thuajuni që nuk ka problem, është thjesht një provim! Ata janë të prerë për gjëra shumë më të mëdha në jetë. Thuajuni se, sido që të dalin, ju i doni dhe nuk do i gjykoni. Ju lutem bëjeni këtë, dhe kur ta bëni, shihni që fëmijët tuaj do të pushtojnë botën. Një provim apo notë e ulët, nuk do ua heqë atyre ëndrrat dhe talentin.
Dhe ju lutem, mos mendoni se doktorët dhe inxhinierët janë njerëzit më të lumtur në botë. Me përshëndetje të ngrohta, Drejtori”, shkroi Manjola.(A.M/Faxweb.al)
/faxweb
