Në një prononcim për medias pas tryezës për Reformën Zgjedhore, Oerd Bylykbashi i PD-së, u shpreh se opozita e bashkuar ka bërë propozimet e veta në këtë tryezë.
Bylykbashi u shpreh se një ndër to ishte rregullimi i përhershëm për financimin partive politike në mënyrë që të mos ketë shmangie nga transparenca.
“Opozita e bashkuar ka bërë një propozim që rregullon në mënyrë të përhershme financimin e partive. Transparenca të jetë e plotë dhe të mos ketë asnjë mundësi shmangie. Propozimi ynë që do t’i qëndrojnë është një qëndrim drastik.
Ata që kanë marrë para nga taksat e shqiptarëve nuk mund të marrë para dhe kush financon subjektet politike nuk mund të marrë tendera nga shteti, për të shkëputur kapjen e zgjedhjeve dhe partitë politike nga oligarkët.
Ne forcojmë mekanizmat e kontrollit e deklarimeve që bëjnë partitë politike, me reklamat që bëjnë dhe pastaj tallen duke bërë deklarime qesharake,”-sqaroi Bylykbashi.
Po ashtu, Bylykbashi tha se bashkitë socialiste, me urdhrin e Ramës, po manipulojnë listat zgjedhore duke regjistruar votues fiktivë.
“Listat zgjedhore po manipulohen nga bashkitë socialiste me urdhrin e Ramës, duke regjistruar votues fiktivë edhe nëpër lulishte, që të fitojnë kandidatët e PS-së. Sot kuptuam qartë se qeveria nuk ka asnjë mas që zgjedhësit të votojnë aty ku banojnë, as nuk ka pajisur qytetarët me mjete identifikimi,”-deklaroi Bylykbashi.
