Nasem Mohra, një pacient 10-vjeçar me sëmundje veshkash, ka frikë se mund të mos e shohë më familjen e tij pasi forcat izraelite arrestuan babanë e tij ndërsa ai po e çonte djalin në një spital në Gazën jugore për dializë urgjente.
Një fqinj e çoi Nasem, i cili ka nevojë për dializë të rregullt, në spitalin Abu Yousef Al Najjar në Rafah dje pasi djali u nda nga të afërmit e tij mes bombardimeve të rënda izraelite të Gazës.
Lexo edhe :Related Posts
“Kam frikë të vdes para se të shoh familjen time, të afërmit dhe vëllezërit e motrat e mia”, tha Nasemi teksa i nënshtrohej dializës.
“Dëshiroj që lufta të ndalojë që ne të kthehemi në shtëpitë tona dhe të kthehemi në jetën time normale”, tha 10-vjeçari, duke shtuar se prej javësh nuk e ka parë nënën e tij.
Fqinji, Adel Haniyeh, shpjegoi se po udhëtonte në jug përmes Gazës me fëmijët e tij kur e njohu Nasem dhe vendosi të kujdesej për të. Babai i fëmijës u arrestua në një pikë kontrolli të ushtrisë izraelite, tha ai.
“Djali është në gjendje të keqe. Ai duhet të ndjekë një dietë të veçantë, gjendja e tij është shumë e keqe. Ne flemë në një xhami dhe vijmë këtu (çdo ditë) me një karrocë të tërhequr nga gomarët”, përshkroi Haniyeh, duke vënë në dukje se ata gjithashtu duhet të presin me orë të tëra në radhë që fëmija t’i nënshtrohet trajtimit.
Gjysmëhëna e Kuqe Palestineze ka thënë se bombardimet izraelite të rrugëve kryesore përgjatë Gazës po bllokojnë kalimin e ambulancave dhe automjeteve të tjera të shpëtimit.
Mjekët në spitalin Rafah, pranë kufirit me Egjiptin, theksojnë se mungesa e karburanteve dhe e furnizimeve mjekësore po ua vështirëson shumë kushtet e punës atje.
“Kemi 17 shtretër për dializë, në kushte normale u shërbejmë 120 pacientëve, por tani 350 pacientë duhet të përdorin këto shtretër”, tha doktor Ihab Maser, shef i departamentit të dializës.
“Fatkeqësisht, ne humbim pacientë çdo ditë. Shpresoj që me ndihmën e Zotit do t’i jepet fund kësaj dhe gjendja do të përmirësohet së shpejti”, shtoi ai. /
