Kryetari i Kuvendit Gramoz Ruçi priti në një takim kryetarët e grupeve parlamentare të opozitës në vijimësi të kërkesës së tyre për të diskutuar mbi reformën zgjedhore. Kryetarët e grupeve parlamentare opozitare kërkuan nga Ruçi shqyrtimin e kërkesave të tyre në Kuvend si organi i vetëm ligjvënës qe mund të realizoj dhe miratoj reformën zgjedhore.
Çështjet si: depolizimi i administratës zgjedhore dhe ndryshimi i sistemit zgjedhor përbejnë pikat kyçe që deputetët e opozitës i parashtruan zotit Ruçi si objektiva që duhet të shqyrtohen me përparësi në Kuvend.
Me poshtë do të gjeni të plotë deklaratën për shtyp të Kuvendit të Republikës: Kryetari i Kuvendit, z. Gramoz Ruçi, priti kryetarët e grupeve parlamentare të opozitës. Kryetari i Kuvendit, z. Gramoz Ruçi, u takua sot mekryetarët e grupeve parlamentare të opozitës, sipas kërkesës së tyre, për të diskutuar mbi reformën zgjedhore. Në takim ishin të pranishëm z. Myslim Murrizi, Kryetar i Grupit Parlamentar Demokrat, z. Nimet Musai, Kryetar i Grupit Parlamentar të Pavarur, dhe z. Edmond Stojku, kryetar i Grupit Parlamentar “Demokraci dhe Drejtësi”.
Përfaqësuesit e opozitës parlamentare i paraqitën Kryetarit të Kuvendit objeksionet e tyre për propozimet e Këshillit Politik për kryerjen e reformës zgjedhore, implementimin e rekomandimeve të OSBE/ODIHR-it për depolitizimin e administratës zgjedhore dhe ndryshimin e sistemit zgjedhor, dhe nënvizuan se këto ndryshime duhet të shqyrtohen evotohen në Kuvend, i cili, si organ ligjvënës, ështëështë institucioni legjitim për të realizuar reformën zgjedhore.
Kryetari i Kuvendit, z. Gramoz Ruçi, vlerësoi produktivitetin dhe kontributin e grupeve parlamentare të opozitës në realizimin e reformave të rëndësishme në vend, si reforma në drejtësi, votimi i ligjeve me shumicë të cilësuar, zgjedhja e anëtarëve të institucioneve të reja të sistemit të drejtësisë etj. dhe nënvizoi se Kuvendi i Shqipërisë, si institucioni legjitim për kryerjen ereformës, duhet dhe do të respektojë sensibililitet e të gjithë grupeve parlamentare për realizimin e ndryshimeve ligjore në kuadrin e reformës zgjedhore.
/faxweb
