Rreth 500 mijë euro të padeklaruar janë sekuestruar këtë të shtunë në portin e Durrësit. Fillimisht u raportua se shuma e gjetur mund te shkonte deri ne 1.8 milione euro, mirepo njoftimi zyrtar i policise se shtetit beri te ditur se shuma ishte 498 mije euro.
Shuma e parave u zbulua gjatë një kontrolli rutinë të zhvilluar nga autoritetet doganore, në një kamion tip “Renault”, që vinte me tragetin e Barit.
Paratë ishin fshehur në urën lidhëse të kamionit dhe rimorkios ndërsa ishin të ndara në disa pako.
Pas konstatimit të shumës së eurove, autoritetet doganore njoftuan menjëherë policinë e cila ka arrestuar drejtuesin e mjetit, 54-vjeçarin, Andon Thanasi dhe po e merr në pyetje me qëllim zbulimin e destinacionit të parave.
Ndërkohë po vazhdojnë hetimet pasi dyshohet se parate mund të ketë prejardhje nga aktiviteti kriminal.
