Komisioni Qendror i Zgjedhjeve ka numëruar më shumë se 95 për qind të votave, e renditja e partive nuk ka ndryshuar.
Lëvizja Vetëvendosje prin me 25,74 për qind ose 196,440 vota.
Pas saj është Lidhja Demokratike e Kosovës me 25,05 për qind ose 191,174 vota.
Partia Demokratike e Kosovës është e treta me 21,20 për qind ose 161,815 vota.
Koalicioni AAK-PSD ka arritur të marrë 11,59 për qind ose 88,479 vota.
Nisma bashkë me Aleancën Kosova e Re dhe Partinë e Drejtësisë, sipas të gjitha gjasave nuk do ta kalojnë pragun, duke qenë se kanë marrë vetëm 4,93 për qind ose 37,601 vota.
