Në raportin e Samitit të jashtëzakonshëm të OBI-t i cili po mbahet në Stamboll, pritet që t’i bëhet thirrje komunitetit ndërkombëtar për njohjen e Kudsit Lindor si kryeqytet të Palestinës.
Në raportin e Samitit të jashtëzakonshëm të Organizatës së Bashkëpunimit Islam (OBI), i cili po mbahet në Stamboll, pritet që t’i bëhet thirrje komunitetit ndërkombëtar për njohjen e Kudsit Lindor si kryeqytet të Palestinës, i cili ndodhet nën pushtim, raporton Anadolu Agency, transmeton .
Sipas informacioneve të marra nga burimet e niveleve të larta, propozimi i presidentit të Turqisë, Recep Tayyip Erdoğan të cilin e deklaroi gjatë fjalimit të tij në Samit që “t’i bëhet thirrje gjithë botës për njohjen e Kudsit Lindor si kryeqytet të Palestinës nën pushtim” do të reflektojë në raportin e rezultateve të Samitit.
Shtetet islame, duke i konfirmuar vendimet për Kudsin Lindor, në raport do të kërkojnë nga komuniteti ndërkombëtar që t’i përgjigjen pozitivisht kësaj thirrjeje.
