Organizata Botërore e Shëndetësisë ka rekomanduar që shtetet ndërkombëtare të heqin ose të lehtësojnë udhëtimet.
OBSH thekson se masat e tilla janë jo efektive, të cilat nisin nga përpjekja për të parandaluar përhapjen e variantit Omicron.

Ekspertët kanë bërë thirrje të vazhdueshme për heqjen ose lehtësimin e masave të Pasaportës së Gjelbër pasi nuk sjell përfitime dhe kontribuon në stresin ekonomik dhe social.
OBSH beson se provat e vaksinimit për Covid-19 nuk duhet të kërkohen për të kryer udhëtimet ndërkombëtare si mjeti apo kushti i vetëm i hyrjes, kjo pasi ekspertët mendojnë se shumë njerëz kanë vështirësi në marrjen e vaksinave dhe shpërndarja e tyre është tepër e pabarabartë.

Që nga fillimi i pandemisë së koronavirusit, janë regjistruar rreth 340 milionë raste të reja, ku prej tyre mbi 5,5 milionë persona kanë ndërruar jetë.