Një numër në rritje njerëzish vendosin të emigrojnë në kërkim të kushteve më të mira të jetesës, pagave më të larta dhe mundësive më të mira për familjet e tyre. Ky trend ka lindur për një sërë arsyesh, ndër të cilat më të përmendura janë kostoja e lartë e jetesës, pagat e ulëta dhe paqëndrueshmëria politike.
Edhe pse shumë ëndërrojnë të jetojnë jashtë vendit, pengesat fillestare si kostot e larta të zhvendosjes shpesh i dekurajojnë ata. Megjithatë, ka vende që inkurajojnë në mënyrë aktive zhvendosjen, madje duke ofruar stimuj financiarë për ata që vendosin të ndërmarrin këtë hap.
Një vend i tillë është Zvicra, e cila ofron 20,000 franga (rreth 21,500 euro) për ata që shpërngulen në fshatin e vogël alpin Albinen. Për çdo fëmijë që lëviz, ofrohen 10.000 franga shtesë (rreth 10.800 euro). Megjithatë, ekzistojnë kushte – blerja e pasurive të paluajtshme me vlerë më shumë se 200 mijë franga (215 mijë euro), detyrimi për të qëndruar në Zvicër për të paktën dhjetë vjet dhe marrja e nënshtetësisë zvicerane.
Albinen, i vendosur në zemër të Alpeve Zvicerane, ofron një jetë të qetë në një nga vendet më të sigurta dhe më të kënaqshme në botë, i njohur për malet me dëborë dhe cilësinë e jashtëzakonshme të jetës. Edhe pse kostoja e jetesës në Zvicër është e lartë, cilësia e jetës është në një nivel të jashtëzakonshëm dhe jetëgjatësia mesatare është katër vjet më e gjatë se mesatarja e OECD. Shkalla e ulët e krimit dhe kujdesi i shkëlqyer shëndetësor e bëjnë këtë vend jashtëzakonisht të dëshirueshëm për të jetuar.
Kjo ofertë synon të luftojë rënien e popullsisë dhe emigrimin e të rinjve. Për ata që mendojnë të lëvizin jashtë vendit, Zvicra paraqet një mundësi të shkëlqyer jo vetëm për të përmirësuar jetën e tyre, por edhe për të kontribuar në prosperitetin e një prej vendeve më të pasura dhe më të zhvilluara në botë. /tesheshi.com/