Organizata e Kombeve të Bashkuara ka shprehur shqetësim në rritje në lidhje me raportet për vdekje në protestat e vazhdueshme në Iran.
“Ne dënojmë të gjitha incidentet që kanë rezultuar në vdekje ose lëndime të rënda të protestuesve dhe përsërisim se forcat e sigurisë duhet të shmangin çdo përdorim të panevojshëm ose joproporcional të forcës kundër protestuesve paqësorë. Ata që janë përgjegjës duhet të mbajnë përgjegjësi”, tha një zëdhënës i OKB-së.
OKB i kërkoi qeverisë iraniane në Teheran që të respektojë të drejtat e njeriut duke vënë në dukje se ”kriza mund dhe duhet të vihet nën kontroll përmes dialogut”.
Trazirat në të gjithë Iranin u shkaktuan nga vdekja e një gruaje 22-vjeçare, Mahsa Amini.
Policia e Moralit e kishte arrestuar për gjoja shkelje të kodeve islame të veshjes.
Ajo vdiq në paraburgimin e policisë më 16 shtator.
Që nga vdekja e saj, mijëra kanë demonstruar në të gjithë vendin kundër taktikave represive të qeverisë dhe sistemit islamik të sundimit.
