Janë finalizuar marrëveshjet e reja mes Shqipërisë, Serbisë dhe Maqedonisë së Veriut në kuadër të nismës “Open Balkan”. Ato u firmosën në Pallatin e Brigadave nga treshja Rama – Vuçiç – Zaev.
Janë 4 sosh, të cilat lidhen me lëvizjen e lirë të punëtorëve mes tyre, lehtësira kufitare për identifikimin e udhëtarëve, sigurinë ushqimore të mallrave që shkëmbejnë mes tyre.
Ato janë:
-Marrëveshja për kushtet për akses të lirë në tregun e punës në Ballkanin Perëndimor.
-Ajo për ndërlidhjen e skemave të identifikimit elektronik të qytetarëve të Ballkanit Perëndimor.
-Marrëveshja për bashkëpunim në fushën e veterinarisë, sigurisë ushqimore dhe ushqimore për kafshë dhe fitosanitare në Ballkanin Perëndimor.
-Marrëveshja për njohjen reciproke të autorizimeve të operatorit ekonomik të autorizuar – siguri dhe siguri (AEOS).
