Presidenti Ilir Meta ka reaguar me tone të ashpra sa i përket arrestimeve të personave që protestuan për mbrojtjen e Teatrit Kombëtar, vendimet për të cilët do të jepen sot.
Me një postim në facebook, Kreu i Shtetit thotë se arrestimet janë politike, ndërsa shton se operacioni për shembjen e Teatrit, ishte “kryevepra e asgjësimit përfundimtar të çdo iluzioni për ekzistencën e shtetit të së drejtës në Shqipëri”.
“Lironi të burgosurit politikë në Shqipërinë e 2020″- bën thirrje Presidenti.
POSTIMI:
Të gjitha ARRESTIMET, NDALIMET dhe PROCEDIMET për mbrojtjen paqësore të Teatrit Kombëtar janë vetëm POLITIKE.
Vetë operacioni për shembjen e tij ishte kryevepra e asgjesimit përfundimtar të çdo iluzioni për ekzistencën e shtetit të së drejtës në Shqipëri.
LIRONI TË BURGOSURIT POLITIKË NË SHQIPËRINË E 2020!
