Gazetarja Klodiana Lala ka komentuar opinionin e Komisionit të Venencias lidhur me pajtueshmërinë e mandatit të deputetes së PS-së Olta Xhaçka.
Në studion e News24, Lala tha se me mënyrën se si e ka trajtuar këtë çështje, mazhoranca ka kryer një puç kushtetues.
“Të gjithë e dinim që mazhoranca po kryente një puç kushtetues dhe ky ishte problemi më i madh i ndodhur në Shqipëri ku një mazhonancë nuk respektonte vendimin e Gjykatës Kushtetuese. Nuk prisja asnjë reagim tjetër nga Venecia.
Xhaçka moralisht dhe politikisht ka rënë. Pas opinionit të Venecias nuk mund të jetë më deputetë. Tentativa e mazhorancës për të mbajtur në këmbë një çështje që nuk mbahet më thjeshtë shton agoninë”, u shpreh ajo.
LEXO EDHE: Zbardhet opinioni i Komisionit të Venecias për mandatin e Olta Xhaçkës: Vendimet e GJK bazohen në parimet e besnikërisë kushtetuese! S’duhet të kushtëzohet me votën e shumicës parlamentare
Sipas Lalës janë tre arsyet pse mazhoranca socialiste nuk e ka zbatuar vendimin e Gjykatës Kushtetuese.
“Mazhoranca socialiste nuk e zbaron sepse po fiton kohë për të mbyllur historinë korruptive të investimit strategjik që është i tmerrshëm dhe e dyta duan të zbehin hetimin që SPAK ka për këtë çështje dhe së treti i kanë dhënë kohë Xhaçkës që ta mbylli këtë kapitullin e vetë sepse me këto problematika që ka unë nuk e shoh në listën e deputetëve për zgjedhjet e 2025”, tha Xhaçka.
Ndër të tjera ajo komentoi dhe qëndrimin e deputetes së PS-së Klotilda Bushka lidhur me opinionin, duke thënë se ishte për të vënë duart kokës.
LEXO EDHE: “Koha na dha të drejtë”- Opinioni i Komisionit të Venecias për mandatin e Xhaçkës, deputetja e PS: Nuk mund të bëhet pjesë e diskursit politik
“Nuk kuptoj zonjën Bushka, e cila është jurist shumë e mirë, është ndër më të mirat që ka parlamenti, të bëjë atë reagim që i vjen turp ta lexojë është të vësh duart në kokë.
Ajoi kur të shkojë në parlament, të ngrihet të ketë kurajën dhe të thotë; Kjo çështja duhet shqyrtuar dhe ne duhet të marrim një vendim pro ose kundër ta zbarojmë këtë vendimin”, tha Lala.
