Gjatë intervistës për “News Line” me gazetaren Viol Xhafaj, analisti Frrok Çupi tha se lidershipi i PD zyrtare duhej të ishte distancuar më parë nga Sali Berisha. Sipas tij, ata dëshmuan se e vunë veten për një kohë të gjatë në dyshimin se me kë duhet të pozicionoheshin me SHBA-në apo me Berishën.
“Gara në opozitë është brenda opozitës. Nuk ka garë me maxhorancën. Majën e Ajsbergut e zbuloi Rama në Dibër. I bëri thirrje popullit se keni të bëni me një njeri që Amerika nuk e njeh, jeni të izoluar. Fare shqip o zot o kurrë njerëzve iu duhet thënë e vërteta. Është i izoluar kryetari i bashkisë, votuesi, ai që jep para, ai që e ndjek pas.
Ndërsa raporti që ka PD, liderët e sotëm të PD që e kanë shpalosur fjalorin e dyre anti Berishë është se u vonuan jashtëzakonisht shumë dhe dëshmuan se e vunë veten për një kohë të gjatë në dyshimin se kush është më i fortë apo më i dobishëm, Amerika apo Sali Berisha.
Për Alibeajn edhe, lidershipin e grupit të moderuar aq shumë saqë nuk mund të thuash se mund t’i marrim si properëndimore.“, tha ai.
