Ndonëse organizimet e dasmave me numër të madh personash dhe pa respektuar protokollin sanitary janë të ndaluara për shkak të mundësisë së përhapjes së Covid-19, ka nga ata që nuk duan tia dinë.
Shtetasi me iniciale E. K., 39 vjeç, banues në Sukth, u procedua penalisht dhe u gjobit,
Efektivet e policisë konstatuan se 39 vjecari kishte organizuar dasmë në lokalin e tij, duke mos respektuar distancimin fizik ndërmjet personave.
Po ashtu pronari i lokalit kishte prishur rendin dhe qetësinë publike me zhurmat e krijuara nga volumi i lartë i muzikës.
Shërbimet e Policisë kanë sekuestruar pajisjet që përdoreshin për të bërë muzikë në ambientin e këtij lokali.
Ndërsa ISHSH-ja vendosi masë administrative 1.000.000 lekë, për këtë subjekt.
