Të paktën tre njerëz u vranë në ortekun që varrosi vendpushimin e skive Gora Otdelnaya, afër qytetit rus të Norilsk, natën e kaluar dhe ekipet e shpëtimit janë ende në kërkim të të zhdukurve.
Më shumë se 200 njerëz vazhdojnë kërkimin e tyre në minus 23 gradë.
Gjashtë shtëpi u varrosën, me tre të shkatërruara plotësisht, shkruan portali Siberiantimes.com.
Të paktën Popov, 15 vjeç, fëmija më i madh i çiftit, u shpëtua gjatë natës dhe u dërgua në spital ku gjendet në gjendje të rëndë.
Adoleshenti ishte i ngrirë dhe pësoi fraktura të shumta.
Ekipet e shpëtimit gjetën trupat e një gruaje që besohet të jetë nëna e Makar dhe një fëmijë 18 muajsh.
Vullnetari Maksim Innikhov tha se gjetën pjesët e shkatërruara të shtëpisë ku po qëndronin familja katër anëtarëshe, drejtori i teleferikut Vlad Popov, gruaja dhe fëmijët e tij.
“Zhurma e një telefoni mund të dëgjohet nën dëborë. Shpëtuesit po përpiqen të kuptojnë saktësisht se nga po vjen. Unë erdha për të ndihmuar sa më shpejt që dëgjova ortekun. Shtëpia jonë është në të njëjtën zonë, por orteku u ndal pesë metra nga dera jonë,” shtoi Innikhov.
