Kjo është shtëpia ku jeton një fëmijë. Qëkur lindi Aurora, sot 14 vjeçe, nuk ka parë një ditë të gëzueshme. Varfëria e madhe ka bllokuar çdo rreze shprese, ndërsa ikja e babait ishte goditja më e madhe.
Aurora struket tek e ëma, ndërsa Dallëndyshja mundohet me çdo gjë e me gjithçka që të mbajë të bijën. Por edhe dashuria e një nëne mbase ngaherë nuk është e mjaftueshme për t’u përballur me vështirësitë e jashtëzakonshme ekonomike me të cilat përballet Dallëndyshja. Pavarësisht varfërisë, e vetmja gjë që ajo kërkon, është një dhomë e ngrohtë për të bijën, asgjë më shumë.
Elvis e Fatma Naçi udhëtuan në fshatin Allkaj (Lushnje) për të vizituar Dallëndyshen e Aurorën, të shoqëruar nga një tjetër çift. Natmiri e Valbona kanë mbërritur, sepse dëshira e tyre është të shohin nga afër kushtet në të cilat jeton nëna me të bijën. Të dy janë nga Struga, por prej vitesh jetojnë në një shtet të BE-së. Dy shqiptarë zemërmirë, që kanë vendosur t’i sjellin dritë syve të pashpresë së një jetimeje.
Elvis Naçi: Dallëndyshe, Zoti t’i lehtësoftë gjërat. Kemi parë fotot e videot, por kur i shohim me sy është gjithmonë më keq. Njerëzit që e shikojnë me video, shohin 50-70% të asaj që është, kamera nuk i kap të gjitha, nuk e kap psh lagështirën e kësaj shtëpie
Dallëndyshja: Unë vetë asgjë nuk dua, vetëm për këtë fëmijë. Kam shumë vite që e vuaj këtë varfëri, për vite e kam përjetuar
Elvisi: Hyn shiu?
Dallëndyshja: Po, jam me të keq. Tani as nuk po punoj se mbaroi sezoni i punës, cucën e çoj në shkollë e më tutje punoj. Ndonjëherë vajzën e marr, se ku ta lë këtu. Natën është frikë, por Zoti të bën të fortë, që të rrisësh fëmijën.
Bashkëshorti më ka vdekur. Ndenja 4 vite me vjehrrin, babën. Ai ma rriti vajzën, por varfëri ekstreme. Siç e shikoni vetë. Unë për vete nuk dua asnjë gjë, vetëm një dhomë, të jetoj me vajzën.
Elvisi: Na jep emocione të forta Dallëndyshe. Natmiri e Valbona jetojnë në Austri. Kanë ardhur në Strugë dhe më tutje këtu, vetëm për të të vizituar ty.
Dallëndyshja: Kam folur me Valbonën
Valbona: Më ka thënë vetëm më ndihmo për vajzën. Aurora edhe pak e ka ditëlindjen, i bën 14 vjet dhe vajza ka qejf të jetojë si të gjithë fëmijët e tjerë.
Natmiri: Do na ftosh edhe ne apo jo? Unë jam donator në plot raste të tjera, por kështu rasti nuk më është dhënë mundësia. Është e veçantë. Të gjithë i kemi parë, jo vetëm këtë familje por edhe të tjera, por ndonjëherë thua a janë të vërteta (varfëria)? Kur vjen këtu, e kupton
Elvisi: Ne kemi vendosur që gjithë kalvari i vuajtjeve, ëndrra jote do të plotësohet dhe ne do të ikim në shtëpinë e re, ju lutem, bëhuni gati, mos të kaloni më asnjë sekondë këtu.
Aurora gëzohet dhe s’mund t’i mbajë dot lotët. Pas 14 vitesh trishtimi e ditësh të vështira, më në fund një lajm i madh, një lajm që do t’ja ndryshojë jetën për mirë.
Ndiqeni klipin dhe shikoni gëzimin e një jetimeje si dhe disa surpriza të tjera që iu bënë jetimes.
