Pallati në Poliçan rrezikon të shembet, familjet pa strehë, drejtoresha juridike e Bashkisë: Ministria nuk ka dhënë asnjë fond, pushteti lokal po u paguan qiranë

Një pallat në fshatin Pronovik në bashkinë e Poliçanit ka pësuar çarje dhe shembje të shumta në vitin 2012,si pasojë e rrëshkitjes së tokës. Shumë specialistë dhe grupe të Komisionit të Emergjencave Civile,pasi kanë mbërritur në zonë dhe kanë verifikuar dëmet e shkaktuara,kanë dalë në konkluzionin se pallati është në rrezik shembjeje,për shkak të rrëshkitjeve të shtresave të tokës.Ata konkluduan se banorët duhet të dilnin menjëherë nga pallati pasi ishin të rrezikuat,ndërkohë që tërmeti i datës  26 Nëntor 2019 i dha të tjera goditje e shembje të mëdha këtij pallati.

Katër famije kanë pranuar të dalin nga pallati dhe të jetojnë në banesa të tjera të zonës, ku vetëm dy prej tyre kanë pranuar pagesën e qerasë mujore nga bashkia Poliçan,ndërkohë që 4 familje vijojnë ende të jetojnë mes mureve të çara dhe pallatit të dëmtuar,duke rrezikuar çdo ditë jetën e tyre.Banorët deklarojnë se,që prej ditës që pallati u ça dhe dëmtuar,ata nuk kanë përfituar asnjë lekë nga qeveria,edhe pse verifikimi i dëmeve u krye në mënyrë të rregullt.Banorët kanë 10-vjet që dergjen zyrave të shtetit,ku nuk kanë gjetur ende asnjë zgjidhje.Në këto kushte ata kërkojnë nga bashkia Poliçan dhe Ministria e Emegjencave Civile që tu paguajnë vlerën e plotë të dëmeve,të përcaktuara nga vetë grupi i ekspertëve,në mënyrë që të blejnë një banesë tjetër.

Ata nuk kanë pranuar largimin me shtëpi me qera në qytetitn e Poliçanit,pasi në Pronovik kanë tokat dhe pronat e tyre.Sipas banorëve,nqs nuk çelet fondi i akorduar ata kërkojnë nga bashkia Poliçan ndërtimin e një pallati të ri për këto 8 familje,po në fshatin Pronovik.

Në lidhje me këtë shqetësim,ka reaguar edhe bashkia e Poliçanit. Drejtoresha Juridike në bashkinë Poliçan, Desantila Zaimi ka deklaruar se,bashkia u ka ofruar banorëve ndihmën për pagesën e qerave mujore,deri në dorëzimin e plotë të vlerës prej 7 milion lekësh (të vjetra) për çdo familje,vlerë kjo që është akorduar nga fondi i emergjencave të kësaj bashkie. Sipas Zaimit, kjo vlerë është çelur vetëm nga fondet e bashkisë Poliçan, ndërkohë që Ministria e Emergjencave Civile nuk ka akorduar asnjë qindarkë deri tani për këto familje.