Shtatë aktivistë të klimës hynë në shatërvanin e famshëm Trevi të Romës të dielën dhe ndynë ujin e atyshëm pasi hodhën qymyr.
Anëtarët e “Ultima Generazione” (“Gjenerata e fundit”, versioni italian i lëvizjeve aktive në Gjermani) shpalosën pankarta ku shkruhej “Ne nuk paguajmë për karburantet fosile” ndërsa brohoritnin “Vendi ynë po vdes”.
Shumë shpejt efektivët e policisë hynë në ujë për t’i arrestuar.
E gjithë kjo nën vështrimin e turistëve të shumtë të cilët e fiksuan skenën me celularët e tyre, ndërsa kalimtarë të tjerë u bërtisnin protestuesve.
Blitz di Ultima Generazione a #Roma: gettato un liquido nero, carbone vegetale, nella Fontana di #Trevi.
Segui il nostro canale Telegram dedicato all’ambiente e al cambiamento climatico 👉 https://t.co/eZDM15Uy6m pic.twitter.com/npVkVspPee
— Ultimora.net – BREAKING NEWS (@ultimoranet) May 21, 2023
“Ultima Generazione” bëri thirrje për t’i dhënë fund përdorimit të lëndëve djegëse fosile, ndërsa e lidhi protestën me përmbytjet shkatërruese dhe vdekjeprurëse të ditëve të fundit në Italinë veriore. Një në katër shtëpi në Itali, të paktën sipas tyre, është në rrezik nga përmbytjet.
Ndërhyrja e aktivistëve, e cila është në frymën e asaj që bëhet në muze, u dënua nga kryebashkiaku i Romës, duke thënë se “mjaft me sulmet ndaj veprave të artit”. /tesheshi.com/