Myslimanët në mbarë botën e pritën me gëzim të madh këtë mëngjes festën e Kurban Bajramit. Por për palestinezët në Gaza, atmosfera aty nuk është aspak festive dhe e gëzueshme, por e kundërta: një tmerr.

Palestinezët e atyshëm e falën namazin e Kurban Bajramit në rrënojat e shtëpive të tyre të mëparshme, të shkatërruara plotësisht nga sulmet izraelite që kanë vazhduar që nga 7 tetori i vitit të kaluar.

Të paktën 37,296 palestinezë janë vrarë në ofensivën e Izraelit në Rripin e Gazës në 8 muaj, tha të shtunën Ministria e Shëndetësisë në enklavën e rrethuar.

Pas faljes së namazit të Bajramit, shumë familje vizituan varrezat lokale, ku prehen më të dashurit e tyre. Në varrezat në Deir al-Balah, mund të shiheshin familje të tëra, fëmijë, si dhe palestinezë të shumtë të plagosur që vinin me karroca.

Subscribe kanalin tonë në Youtube për të mos humbur asnjë video të re