Në bregdetin e Shëngjinit është konstatuar këtë të premte një sasi e madhe ndotjeje, e shkaktuar nga hedhja e një sasie nafte. Ndotja është shtrirë në thuajse 1 km të vijës bregdetare, konstatim ky i ardhur nga banorët të cilët kanë njoftuar për fillimisht për erën e rëndë dhe ‘nxirjen’ e detit.
Ende nuk dihet sesi është shkaktuar ndotja, ndërsa në terren kanë zbritur autoritetet për të zbuluar më shumë kundrejt këtij akti të dënueshëm.
Policia kufitare, drejtoria e mjedisit dhe policia e shtetit kanë nisur verifiket për rastin, ndërsa dyshimet janë se një apo dy anije mund të kenë hedhur në det (dje) një sasi nafte në të dalë nga porti.
