Komiteti që heton sulmin në Capitol ka publikuar pamjet e papublikuara më parë të kryetares së Dhomës Nancy Pelosi dhe ligjvënësve të tjerë që nxitojnë të thërrasin për ndihmë Departamentin e Mbrojtjes dhe stafin e Shtëpisë së Bardhë.
Videoja tregon Pelosin, kryetaren demokrate të Dhomës së Përfaqësuesve, e tensionuar, por e ftohtë, duke u marrë në mbrojtje nga rojet e sigurisë më 6 janar 2021.
“Duhet të ekzistojë një mënyrë që njerëzit të ruajnë ndjenjën e sigurisë dhe besimin që u jep atyre fakti që vendi funksionon dhe që ne mund të zgjedhim presidentin e Shteteve të Bashkuara”, tha ajo.
Atë ditë, përfaqësuesit morën pjesë në një seancë në Kongres në Uashington, ku duhej të konfirmonin fitoren e demokratit Joe Biden në zgjedhjet presidenciale të vitit 2020. Por shumë mbështetës të Donald Trump, të cilët pretenduan se zgjedhjet ishin “të manipuluara”, protestuan dhunshëm para Capitol-it, deri në pushtimin e ndërtesës symbol të pushtetit amerikan.
Në video, Pelosi nuk habitet kur mësohet se përfaqësuesit kanë filluar të vendosin maska kundër gazit.
Senatori demokrat Chuck Schumer, dukshëm i tërbuar, thotë se “do të thërrasë… Sekretarin” e Mbrojtjes.
“A mund të dërgoni edhe Gardën Kombëtare të Maryland-it?”, pyeti ai Christopher Miller, në atë kohë Sekretar i Mbrojtjes.
Ai më pas pyet Prokurorin e Përgjithshëm në detyrë Jeffrey Rosen.
“Pse nuk i thoni presidentit të kërkojë që ata të largohen nga Capitol-i, zoti Sekretar i Drejtësisë, si pjesë e detyrës suaj për të ruajtur rendin?”, pyeti ai.
Nga ana tjetër, Nancy Pelosi telefonon guvernatorin e Virxhinias Ralph Northam në video teksa shikon situatën në televizion.
“Përshëndetje, Guvernator…Ata po thyejnë xhamat, thonë se dikush është goditur nga një armë zjarri, kjo është e tmerrshme dhe po ndodh me nxitjen e Presidentit të Shteteve të Bashkuara,” i thotë ajo.
Në një moment, dy demokratë po bisedojnë me liderët republikanë se si të marrin ndihmë.
“Silleni atë tek ne!”, bërtet protestuesi, duke iu referuar qartë Nancy Pelosi-t…