Pa asnjë distancim fizik, as që bëhet fjalë për 2 metrat e nevojshëm, dhjetra banorë në qytetin e Durrësit janë grumbulluar përpara ambienteve të prefekturës duke kërkuar dëmshpërblimin e munguar tashmë prej 8 muajsh, që pas tërmetit të 21 Nëntorit.
Me letra e shkresa në duar, qytetarët sorrollaten sa në një derë te një dritare në pritje të një përgjigje, që çuditërisht nuk u vjen, edhe pse premtimet që kanë marrë janë të shumta.
Në ambientet përpara prefekturës nuk shihet asnjë punonjës i rendit, edhe pse numri i njerëzve të mbledhur është disaherë më i lartë, se ai i qytetarëve në disa protesta civile të mbajtura në Tiranë, ku ndërhyrja ka qenë e menjëhershme.
Padyshim që qytetarët janë koshientë për rriskun që kanë si pasojë e grumbullimeve të tilla, por me siguri që qeraja, uji, dritat, e faturat që kanë mbetur pa u shlyer, janë një shqetësim edhe më i madh dhe i përditshëm, që iu rëndon nga dita në ditë.
Ditë pas dite shohim se institucionet publike janë bërë shkak për përhapjen e Covid 19, dhe ende nuk është gjetur një zgjidhje e prekshme, që qytetarët të marrin shërbimin pa qenë e nevojshme që të ketë grumbullime të tilla.
/faxweb