Një aksident i shumëfishtë është regjistruar këtë të martë (5 gusht) në afërsi të ‘Pushimit të Shoferit’ në autostradën Fier-Lushnje.
Në aksident janë përfshirë disa automjete dhe një autobot që transporton çimento, drejtuesi i të cilit është munduar të shmangë mjetet e tjera dhe ka dalë jashtë rruge.
Burime bëjnë me dije se dy të lënduar janë dërguar në spitalin e Lushnjës.
Ndërkohë që policia e qarkullimit ka devijuar trafikun në një kalim rruge dytësore.
Sipas uniformave të qarkullimit rrugor, shkak i aksidentit të shumëfishtë ka qenë shpejtësia e lartë dhe prezenca e lagështirës në rrugë për shkak të reshjeve të dendura të shiut.
Pjesa ku mjetet i afrohen kryqëzimit të Pushimit të Shoferit është tepër e vështirë pasi ka nga ata drejtues mjetesh që nuk e respektojnë ishullin e trafikut dhe e përdorin për t’u afruar sa më shumë pranë kryqëzimit dhe më pas kryejnë manovra të gabuara.
Gjithsesi mbetet për t’u parë nga policia shkencore se çfarë në të vërtetë e shkaktoi aksidentin në këtë nyje të zezë të qarkullimit rrugor, ku në të shkuarën ka pasur edhe aksidente me humbje jetE.