Pas publikimit në rrjetet sociale të disa videove ku shfaqen dy punonjës policie duke tejkaluar detyrën dhe parimin e proporcionalitetit gjatë ndërhyrjes në tubimin e zhvilluar në Tiranë, ka reaguar zyrtarisht Policia e Shtetit.
Me urdhër të Drejtorit të Përgjithshëm të Policisë së Shtetit Skënder Hita, është vendosur pezullimi nga detyra për dy efektivët e përfshirë:
Inspektor E. P., me detyrë në Patrullën e Përgjithshme në Komisariatin e Policisë Nr. 3, Tiranë.
Inspektor T. Ç., me detyrë në Patrullën e Përgjithshme në Komisariatin e Policisë Nr. 3, Tiranë.
Më tej, Hita ka urdhëruar Drejtorinë e Standardeve Profesionale të nisë hetimin disiplinor ndaj tyre.