Zyrtarët e Ukrainës kanë konfirmuar tashmë se trupat ruse të ardhura nga fronti verior, kanë hyrë në rrethinat e Kievit në tentativë për pushtuar kryeqytetin.
Lajmin e ka përcjellë këtë të premte në mëngjes Ministria e Mbrojtjes së Ukrainës, e cila vuri në dukje se trupat ruse në veri janë tashmë në Obolon, 9 kilometra larg kryeqytetit.
Ministria e Mbrojtjes u bëri thirrje qytetarëve që të bëhen bashkë e të luftojnë pushtuesin me të gjitha mjetet, përfshi dhe bërjen e bombave molotov.
Shumë video janë përcjellë në rrjetet sociale, ku duken forca ruse që kalojnë në Obolon.
Оболонь pic.twitter.com/24JiKGx0yO
— Алчевськ UA🇺🇦 (@AlchevskUA) February 25, 2022
Sounds like small arms fire in Kyiv. https://t.co/gua9kHsEgp pic.twitter.com/BsH9xCKGaR
— Rob Lee (@RALee85) February 25, 2022
Përgjatë natës Kievi është sulmuar dhe nga forca ajrore, ndërsa qindra mijëra njerëz janë fshehur nëpër stacionet e metrove.
Mbrëmjen e të enjtes Ukraina lëshoi kërkesën për të pamundësuar largimin e burrave nga mosha 18 deri në 60 vjeç jashtë vendit dhe u bëri thirrje qytetarëve që t’i bashkohen luftës. Por duket se këtë të premte, kërkesa i është drejtuar të gjithë qytetarëve, pa përjashtim apo të çfarëdo lloj moshe.
Deklarata iu atribua Komandatit të Trupave të Ukrainës Yuri Galushkon, ku thuhej:
“Sot, Ukraina ka nevojë për gjithkënd. Të gjitha procedurat për tu bashkuar (në ushtri) janë thjeshtuar. Sillni vetëm pasaportën. Nuk ka kufizime në moshë”
Post Views:
2
