Digjet një kamion që transportonte kartona picash nga Tirana për në Kukës në “Rrugën e Kombit” në afërsi të trarit ku bëhet pagesa.
Sipas burimeve bëhet me dije se flakët kanë përfshirë pjesën e pasme të kamionit ku ishte edhe ngarkesa, ndërsa koka e kamionit nuk është djegur fatmirësisht.
Dy automjete të zjarrëfikses së Kukësit janë përgjigjur thirrjes në kohë duke neutralizuar flakët.
Përpos dëmeve materiale të ngarkesës është dëmtuar edhe pjesa e pasme e trajlerit.
Policia ka shkuar në vendngjarje, ndërsa grupi hetimorë po punon për shkaqet që kanë provokuar zjarrin në mjet.
